Lake District 感覺係本地老人家喺湖邊 9hea 過日晨嘅地方，主要係睇景，冇咩特別去玩，除非玩水。
不過附近有個幾得意嘅古風火車線，叫做 Lakeside & Haverthwaite Railway。
That said, 我哋嗰架火車嘅乘客嘅平均年齡隨時係 60+ 。好多老人家。
火車唔係完全玩嘅，終點站係湖邊，有個碼頭去湖嘅對岸 (Ambleside)。同埋有個水族館。
但唔知點解水族館會有老鼠仔(好cute)同 leafcutter ants....
另外似乎唔覺意又賞咗鯉
個湖幾靚。呢個應該係 Windermere Lake。
時間關係，我哋冇搭船去 Ambleside，睇完個水族館就搭下班火車返去攞車去下一個景點。
下個景點係 Ambleside。
Ambleside 嘅湖邊基本上就係個好 Chill 嘅小鎮，好多老人家喺啲餐廳/cafe/bar度chill。
我主要係因為想睇個 Roman Fort 遺址而嚟嘅。
轉個身個景係咁樣
話說唔知附近係咪有啲咩空軍訓練基地，偶然會聽到啲超級嘈嘅飛機聲。佢大聲到基本上肯定係 > Mach1 嘅戰機嚟⋯
之後冇咩好做，走咗去「行山」。目的地係去睇一個大山洞。
行完山仲有少少時間，走咗去睇一個叫 Castlerigg Stone Circle 嘅景點。
好似 Stonehenge，但冇咁多人嘛。你問我嘅話，我會覺得 Castlerigg 嗰度開心啲。（啲雲都靚啲！）
之後就去咗 Carlisle 嘅酒店。
間酒店叫 Crown & Mitre Hotel，好似係 3 星，間嘢睇落都唔錯。但個建造就有少少耐人尋味。
而 1xx 房呢，就喺另一棟建築嘅。
本身個 car park 都有少少難搵。我泊完車之後「蕩失路」「誤闖」咗嗰棟嘢，搭𨋢見二樓係 1xx 號房，搭去三樓都係 1xx 號房，完全崩潰咗 ...
settle down 之後已經入夜，成個鎮都冇店舖開。
不過有麥記。
 |
| 第二朝影返間麥記留念 |
呢個 trip 都唔止一次喺我哋肚餓時被麥記拯救。
到咗夜晚八九點，我都係忍唔住出去超市買少少食物同用品 （eg. 聽朝早餐）
因為最近嘅超市已收工，我要行成廿分鐘先買到嘢 (然後行廿分鐘返程)
不過都見到啲算係幾靚嘅景。
同一條橋，相隔十幾分鐘。
No comments:
Post a Comment