Day 4

第四日，去咗坐遊客嘅船去 Greenwich。

途經 Tower of London, London Bridge 等等

抵達 Greenwich 之後第一個景點就係呢架船。

叫 Cutty Sark。入面都係咁上下。

不過有個位特別好笑 (完全唔知邊度發明嘅⋯)

據聞呢架船以前係運茶嘅，所以會講下英國同中國關於茶嘅恩怨。講埋鴉片都算，下面啲字究竟咩事⋯

睇完隻船，出發去 Greenwich Observatory。原來要行上山，個景都算係幾唔錯：

嗰度有個幾有趣嘅 "Camera"，可以喺黑房睇到下面嘅景。

個 Observatory 冇咩特別好睇，主要都係以前住喺度啲科學家嘅房間。

支炮大概係咁款：

比較多遊客睇嘅係呢個 Prime Meridian。個個都排隊影相。

不過你問我嘅話，側邊棵樹可能比較值得睇多兩眼。(唔識講點解)

之後，喺地圖見到個 Roman Temple Ruins，諗住走過去望下。

行咗十幾廿分鐘，見到咁嘅嘢：

係，就係咁樣。

本身諗住喺附近嘅 Maritime Museum 行下，但時間唔係好夠，好急趕咁兜咗個轉就走人。 (反正都冇咩特別嘢睇.. [反而似係細路仔放電勝地] )

下一站係 Tower of London:

由於 Tower of London 有軍事意義，入面裝咗好多盔甲武器。

啲 Crown Jewels 都喺 Tower of London 但唔俾影相。

十三世紀英王睡房示意圖：

個人嚟講，London Tower 最有趣都係呢塊牆

睇完 Tower of London，去埋隔籬個 London Bridge。

我嚟之前都唔知原來上到去。仲可以行樓梯𠻹。(我哋搭𨋢)

原來個 London Bridge 底下有蒸氣推動嘅 engine 用嚟拉開個橋

見時候尚早 (6pm? 總之未見黑)，諗住去 Borough Market 望下。點知佢四點收工，摸咗門釘。

但路經咗呢個好靚嘅教堂。喺英國真係周圍都有好靚嘅教堂⋯ (好似係叫 Southwark Cathedral)

夜晚喺附近食咗個意大利餐廳。間嘢冇乜人，得兩三枱⋯ 啲嘢食係 OK 嘅。