諗起老豆以前睇症嗰陣都成日咁講，平時好日都唔冇一單嘅同類病症，同一日嚟兩三單。
我估見開眾生嘅職業都應該係有咁上下嘅體會。
呢啲奇怪現像，但唔知點理解。
最近先 connect 到，呢個係原始嘅同步 (synchronicity) 現像。所謂嘅同步，就係有兩單本身貌似冇關係嘅事件，唔知點解喺非常接近嘅時空發生。嗰啲嘢未必對你有咩深刻意義 (eg. 睇症都係咁睇)，純粹就係會咁發生。
例如，我最近喺街撞到熟人，好多時都係之前嗰日見過佢。唔知點解，第二日又會好隨機咁撞到。有冇啲咩特別意義呢，又真係唔多似有。
唔知呢啲所謂巧合，可唔可以用呢啲生活中嘅證據，砌出一個理論去說明宇宙嘅同步係點發生㗎呢？
當然我都唔介意話呢個係純粹一個宇宙「公理」，但如果真係有一個咁嘅公理，大概可以推斷出宇宙唔係一個純粹做粒子運算嘅機器，而係會承認某種符合人類認知嘅概念，否則我哋就唔會解讀/留意得到呢啲「同步」⋯
No comments:
Post a Comment