IMO 2024 出咗結果
雖然我本人對數學冇咩特別興趣，但由於各種原因我係會留意 IMO 結果嘅。意思大概同大家留意奧運嘅原因差唔多：啲結果好多時有指標性作用。
眾所周知我係有少少 IOI 背景嘅，咁 IOI 同 IMO 喺最 top tier 係有少少重疊嘅 (喺我嘅水平就冇 :0) ，基本上就係量度 IQ。
所以 IOI 同 IMO 嘅國家排名係國家 （亦某程度上係族裔 -- 建議睇埋某啲國家嘅選手嘅姓名）嘅 IQ 排名。（當然小國人口基數唔夠大會影響獎牌數目，不過 somehow 個影響唔多似係 linear。）
國家同族裔嘅 IQ 排名唔係純粹作為飯後談資，而係對預測世界往後幾十年發展嘅指標嚟。喺我個mental model入面，中國嘅崛起唔係純粹因為政治制度經濟環境推動，而係民族嘅智慧嘅體現。當然，純粹智慧係冇用嘅，仍然要依靠制度將呢份力量正確引導去有用嘅地方。
但起碼呢個就解釋咗點解中國會不斷變強，但非洲冇運行，南美冇運行。好多人覺得印度會好似中國咁樣快速發展經濟，但喺我 projection 底下，印度係複製唔到中國嘅模式。歐美勢力普遍對中國有偏見，對印度呢個曾經被殖過嘅國家多啲好感，所以佢哋啲 projection 比較 optimistic，但老老實實淨係講 IQ 就已經同中國差幾皮。
所以 IMO 2024 出咗結果之後，我有少少嚇親。但照計可能係 outlier 嚟，計返印度往績，佢總成績同香港(!)差唔太遠。以人口基數嚟講，印度其實係好撚弱。當然，我可能有少少(只係少少)bias，因為印度嘅 IOI 成績係差過香港嘅。嘿嘿。
可能有人會話我種族乜乜乜，但 #先知力 係唔講政治正確嘅，心存偏見會令 #先知力 減弱。好多人靠經濟預測搵食，與其相信「國家級宣傳機器」 (正讀：思si1 哎aai1 囈ai1)，不如望下呢啲仲好。
No comments:
Post a Comment