又喺夏天去東京

又喺夏天去東京

今次係老婆想去個 event，我反正得閒就一齊去

為咗善用時間，搭咗凌晨機

冇咩點 plan 行程，大概每一日都會有啲想去嘅地方，但細節冇咩點安排。隨緣。

第一餐喺度食。

啲鰻魚食到廣東叉燒嘅味道。 (應該都係啲肉用啲甜甜哋嘅醬攞去燒嘅味道⋯

本身係十一點幾，佢門口已經有人排隊。排到我哋嗰陣，出面人龍就已經長到....

之後誤打誤撞入咗個金魚展覽：

十分十分之靚。

之後去咗池袋。究竟呢條友係乜水？

Sunshine City 有個水族館。唔計食咗嗰啲，究竟我一日見到幾多條魚？

仲有企鵝同塘鵝

夜晚好 random 咁走咗入間食もつ鍋嘅餐廳。

第二日，明治神宮。行完正常路線之後走咗啲偏少少嘅路。

你見冇人嘅～

宝物殿

武道場

見到有人著校服/制服出出入入。

似係竹林

喺附近事但食咗個晏

走咗去參觀有錢人住所

朋友介紹嘅雞湯關東煮：

嚿大根好大份⋯

老婆念念不忘嘅蘋果，老遠走去食：

Random 撞到一班人 cosplay Mario Kart。結論：呢啲嘢，一個人做好kam，成班人做就好型。

Gongcha 人哋排晒隊呀。

之後老婆走咗去夾公仔。我同佢一齊夾咗陣，然後悶得滯走咗去打太鼓。我用100yen玩一舖太鼓嘅期間，佢應該敗咗一兩千yen⋯

我打完太鼓之後，見到佢隻遊城十代喺個邊邊就嚟跌落嚟咁款。我黎手用嚿鉗壓咗佢落嚟，成功執咗雞。原來職員見佢玩得咁辛苦（i.e. 課咗咁多金），幫佢擺咗一個比較容易夾嘅位。

Anyway, 最後夾到，皆大歡喜。

是晚終於冇落雨。酒店天台其實幾靚。原來喺東京，十樓(酒店有十層)已經算係幾高。周圍冇咩更高嘅樓，個景唔錯。

第三日，老婆走咗去佢啲 event。我自己搵嘢做。

最後走咗去川崎市嘅「日本民家園」。不過首先要去個廁所先。

話說個「電車」站係有ドラえもんtheme，可能係因為嗰度附近有個藤子·F·不二雄博物館。

話說雖然我係去「日本民家園」但附近有一大堆嘢：

係好靚嘅：

佢有幾間屋直頭俾你入去坐，感受喺爐邊煲水嘅樂趣。

夏日火火，咁玩真係幾有趣。不過都係冬天先喇。

更多相

佢哋將其中一間屋變咗做餐廳，有麵食。

之後都係咁上下嘅嘢

屋頂種花花草草，幾得意。

出口係咁嘅款。你話嗰頭係咪好很靚。

出口行兩步就係個唔知邊個藝術家嘅展館。一場嚟到就入去望下。

最神奇係見到佢拍嘅 60 年代香港舊相。

呢個直頭係傳說中 Doki Doki Panic 入面隻怪嚟

張飛

出面係咁。真係好靚。

附近仲有啲咩科學館、唔知咩田園乜乜，但冇行到。

諗住仲有時間望下個藤子F不二雄博物館。

點知要一早網上預約。

:-/

晏晝諗住返「市區」同老婆會合，約咗喺原宿，諗住去間動物 cafe。點知嗰頭勁多人⋯

仲要落雨⋯

最後因為我等得耐周圍亂行，唔覺意見到間動物 cafe 已經爆滿，直接撤退。

天氣真係麻麻，落雨開遮會俾啲風吹到反晒。我最後放棄開遮⋯

最後去咗間 Family Restaurant 食 (Italian Tomato)。貪佢有得玩機械人。

返到香港先留意到原來樓下都有間 Italian Tomato..

第四日。朝早去咗築地食魚生。主要都係一陣有嘢喺銀座做，所以順便到此一遊

由於上次喺歌舞伎座睇得幾開心，所以今次帶埋老婆嚟感受下。

上次主要係歌舞，今次個表演比較似舞台劇故事性多啲。所以有少少睇到一頭霧水。

夜晚同蝶主席喺居酒屋：

話說去居酒屋途中，差啲俾 Google Maps fake 咗。佢叫我搭「東京上野線」，但其實上京線係包三四條線：

我分唔出佢想我搭 JU JJ 定 JT，然後東京站勁 Q 多人，我見到有車就上咗先。

東京站嘅「東京上野線」個月台係咁嘅樣。你唔係分得到 7 同 8 嘅車有咩唔同吖嘛？

最屈機係車廂入面個告示牌寫住「東京上野線互通」之類嘅字樣。我心諗：唔通條條線都係同一路線嘅？

去到上野站先至見到之後個站名。望返 Google 條線，咦，唔同站名㗎喎？仆街，即刻落車再睇下點搞。

搞完一輪之後，我靈機一觸走去開 Apple Maps 睇下佢點點我。屌，一開，寫到清清楚楚，搭 「JJ」吖嘛。 -_-

Anyway, 我哋係準時去到目的地嘅。

之後睇返張單，嘩屌，飲飽食醉，每人港幣兩舊水左右。痴線。然後諗返啲酒精飲品都係 500~600yen 咗右。喺香港可樂都飲唔到。

第五日，去咗上野動物園。

隻北極熊三十度太陽下曝曬。好慘 :'(

上野不忍池啲荷花未開，得零星幾朵。我哋早咗兩個星期左右。

大概就係咁。

另外呢啲花周圍都有，幾靚。