X後感

《三體》

睇咗 youtube 上啲《三體》濃縮講解。原來都好撚長，要聽兩三個鐘 (加速前)。

個故仔一開始係有少少弱智，咩「物理唔存在」就要自殺，笑到我⋯ 

但後面似乎有返少少睇頭。 個「智子」概念幾有趣，無論係作為物理構想或者係plot device都係幾唔錯。

聽聞「黑暗森林法則」係三體普及化嘅，都算係對人類喺宇宙探索過程嘅一種有趣嘅貢獻

《金庸新修版》

大略睇咗《神鵰》嘅新版。感覺係用力過度，太過著跡。可能有人覺得係劃蛇添足，但我反而覺得純粹係修輯手法有少少劣。如果輕輕手修執下啲細微位，未必真係咁差。又例如《天龍八部》嘅結局，其實段譽王語嫣兩人嘅關係根本九唔搭八，稍有人生閱歷嘅人就會明白件事最後一定係「因了解而分開」，所以新修版嘅結局係極其合理嘅。但又係手法有啲劣，搞到大家唔接受。

呢樣嘢都令人感嘆，就算係同一個人，隔咗幾十年啲功力真係會荒廢嘅，所以就算本意係好，執出嚟嘅結果竟然係咁差。

《Re: Zero》 第三季

屌，播到一半停幾個月吊癮。今次感覺太多獨白。冇咗頭兩季嗰種懸疑感。