もう少しだけ

YOASOBI 都紅咗三年，我到而家先「發現」佢哋。真係十分之 late to the party。

唔係話我之前冇聽過佢哋成名曲《夜に駆ける》，而係，我唔覺得特別好聽。

早幾日吸引我注意嘅係佢哋兩年前出嗰首《もう少しだけ》，估唔到黑夜組合寫得出一首咁輕快朝氣嘅歌。（歌詞話朝早早少少出門口會有幸福...）

話說佢哋掘起個故仔都好神奇，我自己鳩估覺得 Ikura 把聲係有少少 mechanical 傾向，我完全想像得到點解佢被 Ayase 發現之前冇運行，如果純粹講唱功音質就大把人好過佢，但 Ikura 個絕技似乎係「唱得好過初音」（唱得好過初音係包括啲聲調跳躍嗰啲⋯）  所以就係同 Ayase 呢個 Vocaloid 達人合作先至一拍即合。

btw 其實佢哋首《Idol》都好高汁。

不過佢哋啲歌嘅英文版啲歌詞⋯ 都係 rachie cover 嘅歌詞順暢多。Rachie 首 cover 嘅歌詞我聽得明，但 YOASOBI 嘅英文版歌我係每隻字都要用心聽先知隻字係乜但整體都係唔知佢講乜鳩。我哋呢啲唔識日文嘅人會覺得有少少遺憾⋯

可惜唔夠 #愛 ，否則真係想諗下幫《もう少しだけ》寫返啲正常英文歌詞然後搵人唱咗佢⋯

---

Update: 我老婆細佬話佢好鍾意首《Idol》，因為把聲似初音，而佢係初音 fans...。由於佢得六歲(按：我老婆係合法成年人...)，我冇同佢講個 producer Ayase 其實係玩開 Vocaloid 當 Ikura 係初音咁用㗎咋....  不過既然佢咁樣講得，我上面鳩估嘅嘢斷估應該都真係事實嚟⋯