近排食得清淡咗
娃娃菜切粒，然後擺埋落電飯煲同啲飯一齊煮 （飯要加少啲水，因為菜會出水），效果唔錯。
可以加少少椰子油、少量鹽吊味。
飯菜煮好之後，可以煎兩隻蛋（太陽蛋），撈埋入啲菜飯度。再加少少豉油調味。
最後成品會同炒飯差唔多 （只要水份控制得好）
---
變化
- 娃娃菜可以用椰菜代替。都係要切細 （短幼條）。
- 可以加入啲煮好調好味嘅碎熟肉 （尋日煮咗成隻羊腿變咗肉鬆咁款，效果非常好 - 但如果擺啲生肉入去會麻麻哋）
- 加醃蘿蔔、黑木耳、蕃茄、等等都得 (不過個菜底都係白菜同椰菜之類會比較好）
No comments:
Post a Comment