傳承

現代班woke友諸多怪論，但有樣嘢我係好深刻咁啟發到我，就係佢哋不斷講 role model 嘅重要性。

Role model 唔止係「身教」咁簡單，而係會從根本咁改變其他人對事情嘅可能性嘅睇法。一啲本來被認為唔可能嘅嘢，變成可以被複製嘅成功故事，係幾咁熱血同勵志！

Role model 某程度上解示咗好多秘傳密技嘅傳承機制。唔係話啲嘢冇技巧冇知識嘅傳授，而係除此之外，「嘩師父都做到，咁即係呢樣嘢真係有可能做到」都係一種好重要嘅因素嚟，尤其係非唯物主義嗰類嘢，更加係需要呢啲信心嘅加持。

所以我估計所謂傳承，好大程度係傳承個範例、個信心，個成功率。當你知道某樣嘢係有可能，嗰樣嘢係點咩模樣，人類就可以複制到佢出嚟。