努力

人係冇需要「努力」嘅。本身人只需要做到應該要做 (i.e. "本份")嘅嘢，保障自己生存，就冇必要繼續做啲純粹為生存而做嘅嘢。

有啲人叻啲，有啲人冇咁叻，咁叻嘅人就更加係冇同其他一一樣咁多付出。

但「努力」係資本主義產生嘅倫理，目的係揸盡每一個人嘅產能。人如果冇剩餘價值，個制度就揸唔出利潤，社會就冇得更加「富庶」。

本身資本主義唔係真理，但資本主義加上帝國主義，就迫使所有國家都要轉型，否則好快就滅國。戰國時中國內部做咗一次咁嘅統合，去到 19~20 世紀又發生咗一次。

喺後資本主義年代，「努力」變咗 optional 之後，人又要重新思考人生嘅意義。整輩子活在資本主義嘅人，其實係完全唔知道原來「返工」以外仲可以有意義存在，亦唔知原來「返工」喺佢哋人生入面佔咗幾重要嘅地位。