解經

基於「所有觀點都係啱」嘅宇宙法則，一啲冇人睇得明嘅書，應該真係可以用任何方法解讀。

咁就解釋咗點解《易經》可以用嚟占卜(好似係)、《聖經》有排陣密碼(好似係)。

至於有啲嘢貌似「真係啱」「真係錯」 (eg. 地球係圓/平)⋯ 我諗呢個反而係需要解釋嘅嘢嚟。點解「錯」嘅嘢唔可以係「啱」？可能係集體意識判斷咗啲嘢嘅對錯，喺呢個 MMORPG 入面，個人意志好難推翻集體嘅共識 (但 Flat Earth Movement 示範咗一個 valiant attempt 係咩模樣)。但如果啲資訊本身都冇人明，就真係可以隨主觀意願闡釋，(唔知係咪都睇個人「神力」) 宇宙好似會盡量配合。