答案

諗諗下，我好似好細個已經知道好多嘢嘅答案。

我只不過花咗十幾廿年去搵嗰啲嘢嘅解釋。

就算係近年發現嗰，我都係先搵到答案，然後窮盡心思去諗點解。

所以或者喺某啲人眼中，呢啲行為真係 on9，明明傳達咗個答案就夠。

『「不可說」』

其實不嬲都認同，不過我就係有呢種惡趣味，哈哈。

--------------

16 歲，我同人講宇宙只要無窮無盡，咁所有可以存在嘅嘢都會存在。

我估對方係心諗：.....

18 歲，英文堂個人 9up 時段，我同全班同學講要好好善用自己嘅潛意識。

唔知啲同學明咗幾多。

--------------

至於主觀事實嗰啲，我幾年前已經嘗試好努力咁闡述，可惜當時魔力唔係好夠。

其實古語一早有云：「信則有，不信則無」。我諗大部份人都唔係好 get 到呢句說話嘅多層次意思。不過無論點都好啦，太陽之下真係無新事。