Thursday, September 8, 2022

「教主」

好似啱啱出咗 https://stevejobsarchive.com/

我 2010 年入公司,嗰陣佢已經係*唔知乜*末期,已將大部份工作交咗俾 Tim Apple。Tim 處事四平八穩,聽聞以前死鬼老細啲 all hands meeting 多啲有趣嘢聽 (同埋以前公司細啲,人少少冇咁拘謹)。冇機會見識,回想返都幾可惜。

第一次同佢有比較深刻嘅接觸,已經係公司為佢舉辦嘅紀念活動。(一時搵唔到官方嘅嘢,可能刪咗?老翻片喺度 https://www.youtube.com/watch?v=ApnZTL-AspQ )本身我對佢冇咩認知,見坊間啲人對佢評價兩極,覺得好不可思議。由於同我有比較切身關係,偶然都會留意下或自己搵下資料睇下係咩一回事。

所以就有早幾個月嘅體會。死鬼老細最出名係做蘋果同Pixar CEO,不過以打機嘅「職階」計算,佢應該歸類為「先知」。睇返佢以前嘅訪問,睇得出佢收收埋埋啲學識都好得人驚。正所謂「愛就係選擇」,佢只不過選擇咗搞 consumer electronics 咁解。

可能佢唔係一種好傳統「先知」嘅款,但以(我認為)最重要嘅元素嚟計,佢又的確齊齊哋。其實「先知」可以以各種式形出現,喺美國資本主義社會,改變人類對科技同營商手法嘅信仰,未嘗唔係一種有效嘅「傳道」手法。

或者佢花佢幾乎整個人生走去設計個人電子產品,真係押啱咗注。想像下地球上俾得起錢嘅人,有一半係用緊佢整出嚟嘅產品,呢種影響力其實仲勁過各大宗教。或者你可能會問:唔係喎以前 windows 咪壟斷得仲犀利? (但 windows 冇靈魂嘛)

No comments:

Post a Comment