獵巫

獵完巫之後歐洲冇咗魔法，基本上係將神祇嘅法力減到無限接近零，人類獨大，咪開始囂張囉。唔係點解獵完巫之後立即進入enlightenment時代吖？ #細思極恐 #今晚瞓唔著嘅話so99ry

---

現代人唔信魔法，但一般嚟講現代人其實同古代人類生物結構上冇乜分別，冇理由可以肯定係佢哋 on9 我哋啱晒。所以當年啲人相信有巫術同埋要獵咗佢，無論以今人眼光幾咁 on9 都好，都唔可以排除箇中真係有啲古怪。

---

話時話，中國應該係春秋左近（甚至周朝）就喺主流社會消滅咗巫術，當然民間小規模嘅巫術不嬲都有 （正如歐洲大肆獵完之後都仲有），但斷估啲力量就弱咗好多，總體已經唔似會左右國家大局發展 (c.f. 商朝乜都用龜甲占卜先做)。

美洲文明反而似乎去到被滅亡之前都仲玩緊巫術。起碼有人殉先。