神醫

啲人話中醫唔科學，我覺得真係有啲冤枉。

中醫如果有問題，就係佢太科學。

傳說中嗰啲神醫係點醫人？根本唔係(單)靠學問去醫人嘅，而係靠神通 (i.e. 超能力)，即係占卜星相嗰味嘢。 啲傳說有啲夾雜喺正史同可信紀錄當中，大概係一種時代許可嘅靈通嘅紀錄嚟。

呢啲嘢明明係靠醫師嘅個人能力，又點樣系統化呢？

夾硬系統化咗呢啲嘢，i.e. 太科學，咁就出事。

大概係咁。

當然，神通無所憑籍，又好易走火入魔。所以有個系統喺度，等啲冇咩能力、啱啱入行嘅菜鳥有啲嘢做，都係好事嚟。如果唔係，單憑靈通，好易調錯線收咗一堆雜訊，咁就可以害死人㗎喇。