Regression

呢幾日又辟谷，發現身體對carb嘅依賴好似勁過之前好多。

之前最多係肚餓，而家係唔太餓但唔食澱粉質就頭赤周身唔聚財⋯

先知嘅號令

 

先朋友臉書寫「號令清晰，賞罰分明」，偷嚟講下。

「號令清晰，信賞必罰，唔好朝令夕改」其實咪就係一個高級 software engineer 對設計系統嘅洞見、dry run 嘅能力，同埋資深律師、法官對法律制度嘅見識。

我鍾意叫呢啲做「先知力」 :)

最勁嘅先知係未見到事發就知道過去未來；
次一等嘅係「先過你知」，事發就即刻領悟前後因果；
再次一等嘅係一般普通人，事件發生，由「先過你知」解釋完，慢慢明白；
最低等嘅係始終不昧嘅蠢人。

因為政治同宗教最鍾意用蠢人嚟做爛頭卒，所以好多時失勢中嘅政治宗教會捧呢啲人為先知。

真先知同蠢人喺普通人眼中係冇分別嘅。大部份先知喺世人眼中都係蠢人，因為佢哋堅持緊一啲未被世人認知嘅理念。凡人分辨嘅方法只有一種，就係放長雙眼去睇下應驗否。如果先知好彩，會喺意義潰散之前被 vindicate。

不過通常都冇咁好彩。

西王母 = 埃及法老王？！

最近睇到啲有趣嘢。

好似話「西王母」可能係埃及法老王。

第一次聽呢個講法係呢度： https://www.youtube.com/watch?v=pgdQ9n4jAVA

然後呢段片就形容得更清楚： https://www.youtube.com/watch?v=ja3T1c0gQRI

現代「王母娘娘」嘅形像，係被道教神話描寫成類似仙女般嘅人物。但一開始先秦典籍嘅「西王母」係半人半獸嘅神話人物嚟。我哋唔係講緊「仙女王母娘娘」，而係先秦時代流傳嘅「西王母」。

上面啲片講《山海經》同《穆天子傳》，啲人話係「神話」，講下就算。但最屈機嘅係，正史寫得清清楚楚。

《史記．大宛列傳》：

安息在大月氏西可數千里。其俗土著，耕田，田稻麥，蒲陶酒。城邑如大宛。其屬小大數百城，地方數千里，最為大國。臨媯水，有市，民商賈用車及船，行旁國或數千里。以銀為錢，錢如其王面，王死輒更錢，效王面焉。畫革旁行以為書記。其西則條枝，北有奄蔡、黎軒。

條枝在安息西數千里，臨西海。暑溼。耕田，田稻。有大鳥，卵如甕。人眾甚多，往往有小君長，而安息役屬之，以為外國。國善眩。安息長老傳聞條枝有弱水、西王母，而未嘗見。

大月氏好似話係今日阿富汗嗰頭，「安息」就係 Assyria 或 Arsacid Empire，即係今日伊朗嗰頭。

伊朗西邊有啲咩呢？「西海」。伊朗西邊得一個海架啫，就係我哋今日叫「地中海」嘅地方。伊朗以西，臨地中海嘅有咩國家？埃及！

條支 呢個名有啲麻煩，9-google 見到有人話係 Antioch 又話係 Colchis，一派胡言[1]。好明顯「條支」係埃及啦！睇下描述：

「有大鳥，卵如甕。」

「往往有小君長」即係啲國王係細路仔。

// Ptolemy V Epiphanes, son of Philopator and Arsinoë, was a child when he came to the throne //
// He was succeeded by his infant son Ptolemy VI Philometor. // [2]
呢兩個埃及王係漢朝同期，有可能係講佢哋。

「而安息役屬之，以為外國。 」 呢個係講緊「條支」係安息嘅藩屬國，好可能係指漢朝同期嘅 Antiochus IV Epiphanes 打埃及：

// Antiochus had prepared more thoroughly and launched a preemptive strike against Egypt, defeating a Ptolemaic force and seizing Pelusium. He then advanced into Egypt proper, conquering all but Alexandria and capturing King Ptolemy // [3]

「安息長老傳聞條枝有弱水」

「弱水」係河流，通常見於神話傳說。嗰頭有咩出名嘅河流？

條支國弱水

《後漢書》（又係「正史」）都有講「條支」：「條支國城在山上，周回四十餘里。臨西海，海水曲環其南及東北，三面路絕，唯西北隅通陸道。土地暑溼，出師子、犀牛、封牛、孔雀、大雀。大雀其卵如甕。」

嗰啲動物名大家都識啦，都係非洲動物嚟 (大雀即係鴕鳥，見上；封牛可能係 buffalo?)。至於地理呢，「海水曲環其南及東北，三面路絕」，係講緊呢嚿嘢：

「海水曲環其南及東北，三面路絕，唯西北隅通陸道」

雖然 Arabian peninsula 唔係 Egypt proper，但差唔多啦。

關於「條支」講多句，羅馬時期 Egypt 係叫 Aegyptus，雖然個音唔係好 match，但「支」係 "gypt" 都叫做解釋得到，只係個「條」字唔知點嚟。事但啦，可能抄錯字呢。(不過諗唔到可以點錯法⋯)

Anyway，上面應該都足夠論證「條支」就係今日嘅埃及，「西海」係地中海。而根據《史記》轉述，條支國可能有西王母。

正史啲嘢就好準嘅，因為張騫出使西域十幾年，《史記》就新鮮熱辣將佢嘅見聞記錄低。以下要講下關於「西王母」啲「神話」，就未必 match 得好準。不過既然「西王母」有埃及嘅關聯，咁呢啲描述就幾有趣嘞：

《山海經·大荒西經》：「西海之南，流沙之濱，赤水之後，黑水之前，有大山，名曰崑崙之丘。有神人面虎身，有文有尾，皆白，處之。其下有弱水之淵環之，其外有炎火之山，投物輒燃。有人戴勝，虎齒，有豹尾，穴處，名曰西王母。」

《山海經·西山經》：西王母其狀如人，豹尾虎齒而善嘯，蓬髮戴勝，是司天之厲及五殘。

西海之南，流沙之濱，赤水之後，黑水之前

有大山，名曰崑崙之丘。有神人面虎身，有文有尾，皆白，處之。

按：關於「皆白」，好似話金字塔本身係有一層大理石(Marble)覆蓋嘅，所以係白色。「處之」係「不動」、「唔郁」嘅意思。石象嘅神梗係唔郁 :)

《山海經》嘅西王母「西王母其狀如人，豹尾虎齒而善嘯，蓬髮戴勝，是司天之厲及五殘。」「戴勝，虎齒，有豹尾，穴處，名曰西王母。」諗諗下比較似 Hercules 之類嘅人物？(「戴勝」都唔知係咪「大力」變出嚟嘅...)

順帶一提，佛教大力金剛嘅原型都係 Hercules :0) [4] 

不過去到《穆天子傳》西王母嘅形像就已經唔同咗，變成西域一個女神仙：

「吉日甲子，天子賓于西王母。乃執白圭玄璧以見西王母。」

「天子觴西王母于瑤池之上。西王母為天子謠，曰：『白雲在天，山䧙自出。道里悠遠，山川間之。將子無死，尚能復來？』天子答之，曰：『予歸東土，和治諸夏。萬民平均，吾顧見汝。比及三年，將復而野。』 ...西王母之山還歸丌世民作憂以吟曰：『比徂西土，爰居其野。虎豹為群，於鵲與處。嘉命不遷，我惟帝女，彼何世民，又將去子，吹笙鼓簧，中心翔翔。世民之子，唯天之望。』」

有趣嘅係，《穆天子傳》話穆王見完西王母之後，叫部下喺曠原打獵勞償將士，同埋收咗一百車羽毛皮革。原文有一堆「鳥」同「羽」字，似乎係打雀收羽毛為主，唔知隻雀係咪又係駝鳥呢？

周穆王 Big Game Hunter?

老老實實，《穆天子傳》入面個西王母其實冇任何同埃及有關嘅證據，不過又冇咩矛盾咁啫。有可能係西域一個女王，甚至係一個貴族女性，甚至未必係女人嚟 (唔排除「西王母」部份係音譯做漢字，然後啲人見到個「母」字就以為係女性⋯)

不過呢，又睇返「正史」，《史記．趙世家》話趙國老祖宗係幫周穆王平亂而得到封地：「繆王使造父御，西巡狩，見西王母，樂之忘歸。而徐偃王反，繆王日馳千里馬，攻徐偃王，大破之。乃賜造父以趙城，由此為趙氏。」 所以如果西王母真係喺「條支」(埃及)，夾硬亂咁搵，唔知呢個又關唔關事呢？

介紹返先，(我都係啱啱搵搵下先知道) 呢條女叫「Sekhmet」個音都幾似「西王母」⋯

Sekhmet... is a warrior goddess as well as goddess of healing. She is depicted as a lioness. She was seen as the protector of the pharaohs and led them in warfare. Upon death, Sekhmet continued to protect them, bearing them to the afterlife. Sekhmet is a solar deity, sometimes called the daughter of Ra. She also was given titles such as the "(One) Before Whom Evil Trembles", "Mistress of Dread", "Lady of Slaughter" and "She Who Mauls". (Wikipedia)

望返上面啲「其狀如人，豹尾虎齒而善嘯，蓬髮戴勝，是司天之厲及五殘。」都真係幾似。 (不過會唔會夾硬嚟咗啲？ :0)  我就覺得呢個假說幾有趣，反正《山海經》同《穆天子傳》太多神怪嘢唔可以太認真，大概去到咁嘅地步就要收手了。

結論係，「西王母」同古埃及似乎有啲關聯，不過係咪法老王就不得而知。但埃及又係出名有女法老王，或者女貴族好大權力，所以⋯ 嫌疑都幾大 :D [法官大人：疑點歸被告，退堂]

[1] https://crrs.org/w/wp-content/uploads/2016/07/88-p87-DrLeung.pdf
[2] https://en.wikipedia.org/wiki/Ptolemaic_Kingdom
[3] https://en.wikipedia.org/wiki/Antiochus_IV_Epiphanes#Wars_against_Egypt_and_relations_with_Rome
[4] https://en.wikipedia.org/wiki/Greco-Buddhism

東洋咖喱意粉

- 星加坡咖喱醬
- 日本麵鼓
- 蒜頭炒過嘅橄欖油
- 牛油 (butter)
- 椰子油
- 少少少量 cream

以上嘅撈埋擺 pan 入面細火保持唔滾嘅溫度

煮好 al dente 意粉，倒落去，熄火，加蛋，好似 carbonara 咁撈

懶影，冇圖

食落好重 fusion 感覺，有日式味道、有南洋味道，又有意式 pasta 味道。

可以諗下配咩肉，可能蝦？

subaru subaru subaru !!

 "Beatrice repeating Subaru's name is somewhat the same how Zero Two kept saying Darling to Hiro while BOTH WERE FLYING AWAYA"

dllm cannot unsee... 

曹操先至係赤壁之戰嘅最大贏家

赤壁之戰好可能係中國史上最出名嘅一場戰役。

呢個小學生都耳熟能詳嘅故事，原來幾十歲人重新再睇次都會有新體會。

《演義》嘅講法係諸葛亮向劉備提出同孫權聯合抗曹，交戰時化身為巫師借東風火攻取勝。正史主要將戰績歸功於孫權周瑜魯肅，吳勢力對形勢嘅分析、交戰時出嘅力，都係貢獻最多，劉備甚至可能只係負責抽水。

今次再睇赤壁之戰，卻感覺到由頭到尾都係曹操操局，以大搏大。如果佢打贏江南，基本上可以做皇帝，所以某程度上佢可能係心急咗，但佢打東吳唔止係為咗「贏」咁簡單。當其時形勢，未必到佢話唔打。曹操攻吳之前，啱啱劉表死咗，劉琮率荊州眾投降。雖然係咁，但江南兵士未必真心服從，呢個係曹操收咗荊州之後最急切處理嘅問題。

荊州之所以投降，係因為震懾於曹軍淫威之下。但好明顯江南人同北人有好大文化衝突，唔係話曹操搵個將領守荊州就OK。嗰幾萬名啱啱投降嘅荊州軍隊，喺曹操北返之後，會唔會受劉備唆擺造反，仍然係未知之數 (其實我估機會好很高)。話晒劉表仲有個仔未投降，而已經變成咗地膽嘅劉備仲喺江南等待機會，曹操係冇可能唔打返幾場仗就收隊嘅。始終荊州對曹操嚟講係 free lunch，反而劉備喺荊州經營多年，差少少就喺劉表手上呃咗返嚟，曹操最怕嘅敵人差少少就多咗一個大州嘅軍隊同資源。

喺曹操角度，勸降劉備係冇可能嘅事，強攻其他未投降嘅荊州城池（或流亡軍隊）又會有好大阻力（啱啱投降就要荊州人打自己人？肯定反抗）。但呢啲「走咗就唔聽話」嘅兵將又唔可以罷低唔理，最好就係搵個藉口消滅咗佢哋啦，係咪？

所以曹操就順手去東吳嗰度敲門嘞。曹操整個盤算就係：

1. 如果孫權投降，咁就基本上統一天下，正！
2. 如果孫權反抗，就用荊州勢力打死孫權！
3. 就算打唔死孫權咗，都可以迫荊州多餘唔聽話嘅士兵去送死！

Win-win-win situation 呀，其實曹操冇得輸。相反，如果唔打呢場仗嘅話，曹軍一返北方，劉備就好可能用佢啲「仁義道德」勸降幾個荊州城池坐正做荊州牧。與其俾強敵劉備賺咗荊州，不如攞去同孫權「攬炒」！呢個先至係赤壁之戰嘅真相。

咁孫權都唔係傻嘅，佢都睇得出曹操嗰「幾十萬大軍」水份甚多，冇咩戰鬥力。(劉表軍隊不嬲鳩流流。) 你曹操叫荊州軍嚟送死，唔通我孫權就會投降咩？打咪打囉！

赤壁水戰之後，曹操退卻，孫權軍梗係承勝追擊。但值得留意嘅係，曹操雖然走得狼狽，但周瑜強攻曹軍受流矢所傷，曹仁守咗江陵差唔多一年先被迫撤退，唔係「兵敗如山倒」嘅模樣。證明曹操喺北方仍保持基本嘅防守實力，赤壁死傷嘅好可能真係只得嗰班「走咗就唔聽話」嘅荊州兵將。

我斷估曹操唔會傻到「明知輸都打」，但呢場赤壁好可能係曹操明知勝算唔太高都照打嘅戰役嚟，所以「輸」咗好正常。歷史上北方軍隊攻南方可以借鑑嘅事例唔多，我哋睇後來嘅淝水之戰等戰役先知道，就算北方軍隊幾強，長江天險都唔易克服。另外，要荊州軍士去「送死」其實唔太易，曹操趁住個個都以為佢好勁嘅時候，用「攻克東吳嘅戰功」去誘惑荊州投降派為曹操賣命，總好過要慢慢諗點樣用行政手段壓抑荊州反曹勢力。最後曹操雖然發生咗 worst case scenario，但起碼劉備獨佔唔到荊州，仲同孫權鬧翻，荊州人亦都死傷無數，反而曹操原本北方實力冇咩受影響，只係南侵嘅計劃受阻。

喺一個曹操冇攻吳嘅平衡時空，曹操返北方之後，劉備聯絡荊州舊相識 coup de tat，接收完好無缺嘅荊州軍隊。嗰陣曹操再南下打仗嘅話，孫劉聯軍嘅實力就唔淨係將曹操打走，而係有可能直接消滅埋曹操，兩者問鼎天下架喇。所以無論曹操覺得勝算有幾大，佢都係要打。贏咗做皇帝，輸咗都可以攬炒江南，正所謂「冇成本又可以玩嘢，點解唔做？」

赤壁之戰，曹操就算輸咗都贏。黑暗兵法嘅嘢，真係要咁上下年紀先至明。

Anime Toll

這些年睇過嘅動畫 (未必齊)

亂咁睇嚟 kill time 嘅太多，有時睇完冇留低印像⋯ 所以寫返低睇過，好過睇完連名都唔記得。

★★★★☆ Food Wars 食戟 - #爆衫

★★★★★ Re Zero - 神劇

★★★★☆ GREAT PRETENDER - self righteous con artists scheming around the world - LA (drug dealer), Singapore (flying competition), London (art auction), Shanghai (triad gangs)

★★★★☆ Kakegurui 賭ケグルイ - CLS gambling school

★★★★☆ Smile down the runway ランウェイで笑って - Chibi girl wants to be model in Paris, and young boy wants to be designer

★★★☆☆ citrus - stepsisters 百合

★★★★☆ Konosuba - 搞笑異世界，白痴女神，仆街男主，中二病魔法師，M 屬性聖戰士 etc...

★★★☆☆ Uzamaid うちのメイドがウザすぎる! - 退役女戰機師變咗籮莉控走家務助理

★★☆☆☆ ダンジョンに出会いを求めるのは間違っているだろうか - Fast XP gain main character, on9 goddest, etc.

★★★☆☆ まおゆう魔王勇者 - 魔王x勇者個設定幾有趣，不過後期太多政治嘢要加速skip住睇

★★★★☆ Scum's Wish クズの本懐 - 貴圈真亂

★★★★☆ Anohana - 最感動鬼故

★☆☆☆☆ Eromanga Sense - Step brother writes novels and Step sister draws

★★★★☆ Gun Gale online - agi-focused VR shooting game main character, strange older partner who is suicidal turns out to be a famous singer

★★★☆☆ Toradora - Tsundere girl and mean-looking-but-kind boy high school from broken families unlikely romance

★★★☆☆ Little Witch Academia - Girl without magical talent goes to magic school after seeing a magic performance

★★★☆☆ Teasing Master Takagi-san からかい上手の高木さん - fun short stories where little girl teases little boy

★★★☆☆ Fate Apocrypha - Teamed up Fate

☆☆☆☆☆ Fate Last Encore - Rubbish

★★☆☆☆ Children of the Whales - Isolationist island culture, technologically advanced mainland empire tries to conquer it

★☆☆☆☆ SAO - 睇咗啲

★★☆☆☆ SAO Alicization - 虛擬世界. Alice != Saber. 最後結局都唔錯嘅，但 SAO 品牌本身麻麻哋

★★★★☆  A place farther than the universe - Girls go to the south pole 老少咸宜，幾好睇。最後會眼濕濕

★★★★★ Madoka Magica - 小圓!!!

★★★★★ Your lie in April 四月は君の嘘 - :'(

★★☆☆☆ Haganai - a bunch of weirdos pretending they have no friends

★★☆☆☆ 蔗民樣本 - normal high school kid gets kidnapped into an aristocratic girls' school

★★★☆☆ No Game No Life - High IQ anti-socials enter a parallel universe that is governed by games

★★★★☆ No Game No Life Zero - backstory of No Game No Life, epic battles and story

★★★☆☆ Junketsu no Maria - a medieval witch's story of growing up

★★★☆☆ Hataraku Maousama - demon king gets esekaied to this world

★★★☆☆ Fate stay night UBW - Fate

★★★★☆ Fate Zero - Fate

★★★☆☆ Fate Heaven's Feel - OK 啦

★★★★☆ 冴えない彼女の育てかた - High schoolers making games

★★★☆☆ 捏造 NTR - GL pair pretending to like their boyfriends

★★☆☆☆ 五等分の花嫁 - 我睇嗰陣已經俾人(自己?)劇透晒 :0)

★☆☆☆☆ 恋と嘘 - on9 world where state dictates who should marry who (睇漫畫，終於出結局，成件事有啲小女孩戀愛fantasy，瓊瑤+韓劇 feel

★★☆☆☆ 堀さんと宮村くん - high school love drama

☆☆☆☆☆ 彼女、お借りします - on9 fake-ptgf anime

★★☆☆☆ Darling in the FRANX - fake eva anime, Darrrlliiinngggg~~

★★★☆☆ とある科学の 超電磁砲 レールガン - Mikoto Misaka

★★★★★ かぐや様は告らせたい ～天才たちの恋愛頭脳戦～ - tsundere boy and girl in student union

★★★★★ かぐや様は告らせたい ～天才たちの恋愛頭脳戦～234 - 第二季同第一季差唔多，第三季開始有啲「深度」，有啲感動位 

★★☆☆☆ かぐや姫の物語 - Modern anime adaptation of Japanese folktale

★★★☆☆ 天空の城ラピュタ - 宮崎駿

★★★☆☆ ハウルの動く城 - 個世界構築幾得意

★★☆☆☆ 崖の上のポニョ - 俾細路仔睇？

★☆☆☆☆ 王室教師ハイネ - 正太教授教四個baka王子

★★★★★ 君の名は。 - I don't remember what I saw

★★★☆☆ 言葉之庭 - 腳膠之庭

★★★★☆ 秒速5センチメートル - 抑鬱片 抑抑抑

★☆☆☆☆ 異世界はスマートフォンとともに  In Another World with My Smartphone - Shameless harem esekai

★☆☆☆☆ 異世界魔王と召喚少女の奴隷魔術 - OP protagonist being fake demon king esekai harem

★★☆☆☆ 痛いのは嫌なので防御力に極振りしたいと思います。 - Girl play VRMMORPG and maxes out defence ability become OP

★★★☆☆ 虛構推理 - 9up female protagonist making up stories to solve problems (頭兩三集好睇過後面)

★★★☆☆ 俺を好きなのはお前だけかよ - non-harem story, library girl is actually beautiful girl hiding from stalker (頭兩三集好睇過後面)

★★★☆☆ 偽戀 ニセコイ - 個故仔好on9 但 somehow 我又幾鍾意

★★★☆☆ ロクでなし魔術講師と 禁忌教典 アカシックレコード - 有啲溫馨，不過食女學生正仆街

★★★☆☆ 涼宮春日 etc etc

★★★☆☆ 甘城輝煌樂園救世主 - 世界觀幾有趣

★☆☆☆☆ 我妹 (劇情比想像中更毒...

★★☆☆☆ 夏目友人帳

★★★☆☆ Another - 鬼故?

★★☆☆☆ ようこそ実力至上主義の教室へ - 智力番，感覺(作者)有少少中二

★★★★☆ 氷菓 - 幾好睇，女主好靚，京動RIP

★★★★☆ ひげを剃る。そして女子高生を拾う。 - FF...

★★☆☆☆ 聖女の魔力は万能です - 「女性向」番，冇認真睇

★★☆☆☆ スーパーカブ - 唔知係咪睇咗幾個鐘嘅廣告....

★★★★★ 彼方のアストラ - 科幻懸疑 youtube 2倍速跳住睇，個故仔算係幾好，雖然係有啲漏洞... 一開始估唔到佢係懸疑故事

☆☆☆☆☆ 幼なじみが絶対に負けないラブコメ - 一開始還好，以為係後宮劇，但後面忽然又拍劇又變明星真係唔知 jm9

★☆☆☆☆ 山田くんと7人の魔女 - 係咁嘴唔知做乜鳩，感覺認真諗就會勁多bug

★☆☆☆☆ カノジョも彼女 - 唔好提...

★★★☆☆ 機巧少女は傷つかない - Fate+高達?  (btw, 呢套嘢我最鍾意嘅係首 ED (回レ！雪月花)，亦都係因為佢搵到 QuonTama 首 Cover...

★★☆☆☆ 不滅のあなたへ - 坊間似乎正評，不過我總覺得有啲似異世界流水賬

★★★★☆ 死神坊ちゃんと黒メイド - 福利好情節幾可愛故仔暫時ok希望唔好爛尾

★★☆☆☆ 100万の命の上に俺は立っている - 一般嘅異世界升lvl片，感覺又係會爛尾...

★★☆☆☆ トニカクカワイイ

★★★☆☆ 天空侵犯

★★★☆☆ 探偵はもう、死んでいる。 - 唔知點解某啲位感覺勁似涼宮春日

★★★☆☆ 富豪刑事

★★★☆☆ Takt op Destiny - EXCALIBUR!!! (誤 Master! Maestro! 

★★★☆☆ Black Bullet - 慘 :'( 但好睇

★☆☆☆☆ 進化の実 ～知らないうちに勝ち組人生～ - 爛爛爛

★★☆☆☆ 世界盡頭的聖騎士 (最果てのパラディン)  - 又一個普普通通嘅異世界

★★☆☆☆ 野良神

★★★☆☆ 見える子ちゃん - 鬼故 (個故仔後期[漫畫]故事性好豐富)

★★★☆☆ Love Live! Superstar!!  - 青春

★☆☆☆☆ 多田くんは恋をしない - 睇咗一半，少少悶

★★☆☆☆ 出会って5秒でバトル - 世界建構ok但都係爛尾feel.... 男主角反社會人格

★★☆☆☆ はたらく魔王さま！ - 好幾年前睇，都唔錯

★★☆☆☆ 古見さんは、コミュ症です。 - 幾得意嘅毒撚日常

★★★☆☆ WHITE ALBUM2 - 好青春... 冷漠女鋼琴天才+學結他男夾band

★★★★★ WHITE ALBUM2 - [Re-evaluation] 可能第一次睇冇上心；呢啲戀愛故事真係癲，睇完全有 deja vu 嘅感覺。

★★★★☆ 博多豚骨ラーメンズ - 偵探動作片

★☆☆☆☆ 失格紋的最強賢者 - 好悶嘅異世界，但唔夠垃圾，所以 youtube subscriptions 見到就click落去，兩倍速睇晒

★★★☆☆ 天氣之子 - 本身套動話唔錯，但拍埋《你的名字》就相形見絀... 或者唔好搞 BBQ 結局會有美感啲

★★☆☆☆ 魔法科高校の劣等生 - 兄控

★☆☆☆☆ Fruits Basket - 睇咗一半，唔知噏乜鳩

★★☆☆☆ 月曜日のたわわ - 無節操福利番

★★★☆☆ 戦闘員、派遣します！ - 唔錯，不過好似都係　この素晴らしい 好睇啲

★★☆☆☆ KAKEGURUI TWIN - 前傳，OK 啦

★★★★★ 夏日時光/夏日重現 (Summer Time Rendering) - 鬼故、懸疑、動作、愛情、福利... 好撚好睇

★★☆☆☆ 世界最高の暗殺者、異世界貴族に転生する - 劇情好普通。同埋我鍾意藍毛多啲囉。

★★☆☆☆ 夫婦以上、恋人未満。 - 你鍾意我，我鍾意你，你唔鍾意我，我係咪鍾意你？ 演十二集內心戲，同居半年都未做，literally係搞撚錯晒

★☆☆☆☆ 異世界おじさん - 一開始個設定幾搞笑 (但都唔算好正) ，之後就悶到抽筋，仲要懶係有劇情咁樣斷斷續續故中故咁講悶故

★★★★☆ その着せ替え人形は恋をする  My Dress-Up Darling - 人工高，福利好

★★★★☆ Dota: Dragon's Blood - 個故峰迴路轉又幾好睇

★★☆☆☆ 骸骨騎士様 - 好一般嘅異世界

★★☆☆☆ 最近雇ったメイドが怪しい - 正太控福利番？？

★★☆☆☆ 異世界迷宮でハーレムを - 根本係 H anime，睇censored版嘅話就只值 ★☆☆☆☆

★★☆☆☆  UzaMaid - 女蘿利控走去做人家傭嘅on9故仔

★★☆☆☆  Romantic Killer - 有個超自然公仔為咗增加生育率迫女主同男後宮s拍拖，少少搞笑

★★★☆☆ Nana - 睇咗一半睇唔落去，Hachiko綠茶婊成隊band幾乎所有人都媾晒，好撚乞人憎  (btw, 少數講廿幾歲人嘅生活同夢想，日本動畫嚟講算少有)

★★☆☆☆ 悪役令嬢なのでラスボスを飼ってみました - 勁搞笑，但僅此而已。劇情發展成日都好牽強，唔係笑片嘅話就唔合格。最後一集兩個「主角」打交打得好 on9

★★★☆☆ 暗殺教室 - 個故仔寫得幾好，有 action 之餘又會講下教育理論，設定幾特別，不過有少少長，劇情發展稍為慢

★★★☆☆ ソウナンですか - 幾搞笑，又有福利 （最強女主有早坂愛氣場... 早坂愛應該要有獨立番啦...）

★★★★☆ SPY×FAMILY - 幾好睇

★★☆☆☆ 転生王女と天才令嬢の魔法革命 - 嘗試講好多唔好theme嘅嘢 (男女平權、對抗保守社會信念、個人自由同責任、轉生、etc...)，但啲元素好似唔多夾。唔知係咪小說動畫化嗰陣出咗事

★☆☆☆☆ 英雄王、武を極めるため転生す ～そして、世界最強の見習い騎士♀～ - on9 到差啲棄番

★★☆☆☆ 異世界のんびり農家 - 好普通嘅異世界

★★★☆☆ 虛構推理 2 - 幾好睇，不過冇乜驚喜

★★☆☆☆ とんでもスキルで異世界放浪メシ - 睇嚟放鬆，不過有啲 on9

★★☆☆☆この勇者が俺TUEEEくせに慎重すぎる - 少少中二病，但結局竟然有少少感人

★☆☆☆☆ 赤髪の白雪姫 - 太過少女情懷，棄咗

★★☆☆☆ 可愛いだけじゃない式守さん - total gender reversal play..

★★★☆☆ Ghost in the Shell - SAC2045 - 唔明結局，動畫粗造，但個劇本係動人得嚟有少少令人驚懍

★★☆☆☆  勇者が死んだ! - 各方面都有啲重口味，個故仔有啲太過天馬行空

☆☆☆☆☆  異世界でチート能力を手にした俺は、現実世界をも無双する ～レベルアップは人生を変えた～ - 爛到一個點 （但冇腦咁9睇又唔係好令人好難受

★★★☆☆  おとなりに銀河 - 唔錯嘅純愛番，稍悶但ok

★☆☆☆☆  江戸前エルフ - 似日本旅遊局出嘅動畫，睇到一半棄咗

★★☆☆☆  イジらないで、長瀞さん - 聽聞作者畫 H 漫出身，不過呢個係純愛番嚟

★☆☆☆☆  冰剣の魔術師が世界を統べる〜世界最強の魔術師である少年は、魔術学院に入学する〜 - 唔係好知佢講乜

★★☆☆☆  魔弾まだんの王おうと戦姫 - 故仔一般，啲所謂福利有少少兀突

★★★★☆  推しの子 （第一集）

★★★☆☆  推しの子 （其餘） - 啲星星眼幾靚（但稍為誇張咗啲）

★★★☆☆  継母の連れ子が元カノだった - 個標題睇落似係 H+on9 番，但內容又係幾純愛，劇情都算係緊扣

★★★★☆  青春ブタ野郎 - 奇幻高中生日常；女主餵男主食安眠藥嗰陣，差啲留咗幾滴眼淚。啲對白好特別，直白得嚟有少少內函，睇得出作者係有料到嘅人，唔係一般日本動漫嗰種template。

★★★☆☆ 現実主義勇者の王国再建記 - 第一女主幾可愛，其他嘢一般

★★★☆☆ もののがたり - OK 啦

★★★☆☆ わたしの幸せな結婚 - 白雪公主咁嘅故仔，唔係好啱我呢啲直男。不過畫質係幾靚嘅。

★★★★★ 葬送のフリーレン - 好獨特嘅留白式講故，尤其好平淡咁講啲好震憾嘅情節，但動畫啲打鬥場面仍然係超水平

★★★☆☆ この素晴らしい世界に爆焔を！ - EXPLOSION 前轉，幾溫馨咁

★★☆☆☆ 大奥 - 女權撚 fantasy... 話說點解啲女人個個都鍾意搞和尚？唐僧肉真係咁好食？

★★☆☆☆ 賭ケグルイ 双－ツイン－- 前傳，都唔錯咁。

★★☆☆☆ てんぷる - 淨係講咸濕嘢...

★★☆☆☆ 実は俺、最強でした? - 又係啲一開始就爆強嘅 FF 

★★☆☆☆ 夢見る男子は現実主義者 - 好普通嘅傲嬌故事

★★★★☆ パリピ孔明 - 幾好睇

★★★★☆ Zom 100 - 幾好睇。啲女畫得幾靚。喺末世嘅 yolo 心態，同埋佢對意義嘅探究，其實幾值得學習。

★★★☆☆ 魔都精兵のスレイブ - 作為 18 禁番算係咁

★★☆☆☆ 転生貴族、鑑定スキルで成り上がる 〜 - 好普通，睇個名就已經知佢會講乜

★★★☆☆ バーテンダー - 講 Bartender，一般

★★★★☆ ダンジョン飯 - 雖然個 gag 有啲怪，但比想像中好睇

★★☆☆☆ ループ7回目の悪役令嬢は、元敵国で自由気ままな花嫁生活を満喫する - 又係睇個名就已經知佢講乜

★☆☆☆☆ 魔王軍最強の魔術師は人間だった - 主角suppose係玩鬥智，但劇情十分之弱智.... (有少少覺得係俾輕度嘅睇.... 又或者係輕度寫嘅 -_- )

★★★☆☆ グレイプニル - 只能夠講係精彩得嚟 CLS....

☆☆☆☆☆ なぜ僕の世界を誰も覚えていないのか？ - 呢套動畫真係好垃圾，正如最後一集嘅 youtube 話齋：睇咗12集都唔知睇咗啲乜

★★☆☆☆ 時々ボソッとロシア語でデレる隣のアーリャさん - 福利不似預期，劇情超級老土

★★★☆☆ 〈小市民〉シリーズ - 氷菓 reskinned.. 暫時鍾意氷菓多啲

★★★☆☆ らんま 1/2 (2024 動畫) - 講都冇人信，我係第一次睇亂馬第一次知佢個男女換性別梗...

★★★★☆ Re: Zero 第三季 - 唔知係咪我耐性差咗定係作者寫寫下越嚟越多對白⋯

★★★★☆ アオのハコ - 感覺幾細膩嘅青春愛情劇。有少少誇張嘅情節 (eg. 鍾意嘅人同自己一齊住) 但  generally 感覺良好

★★★☆☆ ダンダダン - CLS 嘅笑片嚟

★★☆☆☆ 異世界魔王と召喚少女の奴隷魔術 - 不如真係出部 H 片算啦

★★☆☆☆ Solo Leveling - 麻麻哋嘅爽片，又係爽到個主角有人格障擬嗰種

★★☆☆☆ ギルドの受付嬢ですが、残業は嫌なのでボスをソロ討伐しようと思います - 少少搞笑，還好啦

★★★★☆ 死神坊ちゃんと黒メイド x2 x3 - 個故仔竟然完滿收尾，大家仲有 character development。唔錯

☆☆☆☆☆  - ニートくノ一となぜか同棲はじめました - 棄咗。搞唔掂

★★★☆☆ 〈小市民〉シリーズ  S2 - 男女主角都CLS ; 去到第 21 集終於有睇頭...

★★★☆☆ 九龍ジェネリックロマンス - 睇緊 謎謎謎 (結局：謎謎謎...

★☆☆☆☆ WITCH WATCH -  睇緊。推話好睇，唯有入坑 (棄咗... :'(

★★☆☆☆ 勇者、辞めます～ - The plot twist is in the title...

★★★☆☆ 前橋ウィッチーズ - 幾好睇。佢啲訊息對我個人嚟講係幾微妙..

★★★★☆  - 唔知點解第一季冇寫感想...?

★★★★★ その着せ替え人形は恋をする  My Dress-Up Darling 2 - 比起第一季更加搞笑，感覺作者(?)寫得更得心應手咁

★★★★☆ 薫る花は凛と咲く - 幾甜蜜，唯一敗筆係描寫啲男仔心思太細密少少出戲...

★☆☆☆☆ 勇者パーティーを追放された白魔導師、Sランク冒険者に拾われる ～この白魔導師が規格外すぎる～ - 劇情好撚老土