「敢問何謂浩然之氣？」
曰：「難言也。其為氣也，至大至剛，以直養而無害，則塞于天地之閒。其為氣也，配義與道；無是，餒也。是集義所生者，非義襲而取之也。行有不慊於心，則餒矣。我故曰，告子未嘗知義，以其外之也。必有事焉而勿正，心勿忘，勿助長也。無若宋人然：宋人有閔其苗之不長而揠之者，芒芒然歸。謂其人曰：『今日病矣，予助苗長矣。』其子趨而往視之，苗則槁矣。天下之不助苗長者寡矣。以為無益而舍之者，不耘苗者也；助之長者，揠苗者也。非徒無益，而又害之。」
不過嗰段字唔太易明，然後後面原來係搭單附送咗「拔苗助長」嘅故仔。
由於花咗少少時間嘗試理解，喺度寫返心得同未決之疑
「必有事焉而勿正，心勿忘，勿助長也。」
呢句其實好撚緊要，完全係人類存在於宇宙嘅奧義之一。道家叫做「無為」，new age 叫做 manifestation。 點樣令到一件事發生？孟子話：唔好放低佢，但又唔好助長。
「正」可能係通「征」。
似乎朱子語類有詳細解釋：
「必有事焉，而勿正心」，此言「正心」，自與大學語脈不同。此「正」字是期待其效之意。「仁者先難而後獲」。正心是先獲意思，先獲是先有求獲之心。古人自有這般語。公羊傳云：「師出不正反，戰不正勝。」此「正」字，與孟子說「正心」之「正」一般。言師出不可必期其反，戰不可必期其勝也。賀孫
問「必有事焉而勿正」之義。曰：「正，猶等待之意。趙岐解云：『不可望其福。』雖說意粗了，其文義卻不錯。此正如『師出不正反，戰不正勝』之『正』。古人用字之意如此，言但當從事於此，而勿便等待其效之意。」或問：「此便是助長否？」曰：「『正』，未是助長，待其效而不得，則漸漸助之長矣。譬之栽木，初栽即是望其長，望之之久而不如意，則揠苗矣！明道曰『下言之漸重』，此言卻是。」後因論「仁者先難而後獲」，洽曰：「先解『勿正』字，頗有後獲之意。」曰：「頗有此意。」曰：「如此解，則於用工處儘有條理。」曰：「聖賢之言，條理精密，往往如此。但看得不切，錯認了他文義，則并與其意而失之耳。」洽
但呢件事同浩然之氣究竟有咩關係？！？ 諗唔通。 所以後世啲人可以將「拔苗助長」呢樣嘢當係孩童故事咁講，但從來都唔會提半句「浩然之氣」⋯ 大家都諗唔透有乜撚嘢關係。
另外呢度嘅「義」雖然理論上係「魚與熊掌，捨生取義」嘅「義」，但你當成「意義」咁理解都係OK嘅。告子作為一個徹頭徹尾嘅 relativist (eg. 性猶湍水也)，自然冇內置嘅「義」(morals ~= meaning ~= motivations)，冇 compass 冇動力，自然擺爛 (i.e. 餒)。但一個 fundamental relativist 確實可以不動心。
講起不動心，「必有事焉而勿正，心勿忘，勿助長也。」 應該係講緊不動心啩。咁就好 make sense。有樣嘢你好著緊嘅，點樣不動心？孟子嘅講法係勿征心、勿忘、勿助長。 而告子就根本覺得咩都冇所謂，所以不動心，雖然唔動心但冇浩然之氣。
但始終令人好 frustrate[d] 嘅係，一講到 meaning (義), will (必) 同 stillness (不動心) 嗰陣，啲經典就同我(哋)一齊 hang 機，講得到喉唔到肺。所以我一開始先話呢句關乎「人類存在於宇宙嘅奧義之一」⋯⋯ 但一係我未明，一係個答案仍然係不能以言語描述。
PS: 後來睇返，個關係其實係喺度嘅。心動就會行動(助長)，行動就會壞事。所以孟子講返點樣等啲嘢自然搞掂，唔好亂咁嚟自己郁手搞禍啲嘢。而唔助長嘅方法就係不動心。 呢種態度幾近道家，但修行嘅道理萬法不離其中，所以講起個人修行，都唯有係咁。
No comments:
Post a Comment