南能北秀

最近先稍略了解南禪嘅故事。

本身啲網友搞咗差唔多十年嘅爛gag，我一直都唔知原來地理上係咁近，禪宗六祖慧能係廣州出身。

大宗師就唔會爭咁多咩正宗，不過睇住啲弟子喺度講「南頓北漸」就覺得件事好好笑。講到出口話你班北方人蠢，講極都唔明..... :0)

唔知千幾年前嘅廣州係咩風俗？ 如果同近代相類，咁都好解釋到點解禪宗故仔入面啲人咁鍾意搞爛gag講屎尿屁同整蠱人⋯ 廣州呢種風俗都唔係呢幾十年，睇完《嬉笑集》真係好懷疑呢啲係源遠流長嘅傳統嚟。