自由意志

 「我應該咁樣做嗎？呢條路適合我嗎？ 神有無野需要我去做？」

「無話咩適唔適合，妳真心想嘅話就去做吧。

如果妳相信神係創天造地，無所不能，點解妳覺得神會需要妳去做啲咩？

妳有啲咩做到嘅嘢係神做唔到？

妳做到嘅嘢，神可以更強勁10000倍咁去做。

好多人尋求『神嘅旨意』，想跟所謂正確嘅方向行，

其實只係源自人嘅不安。

人類害怕犯錯、害怕失敗、唔敢面對自己、唔敢面對真正嘅現實。

但妳唔需要侷限係呢個不安裡面了，

妳諗到有咩真係想做，下定決心嘅我就會幫妳。

妳需要嘅話，神就會供應。

妳尋找，就會尋見。

呢個係應許黎㗎。」

上面個故仔偷返嚟嘅。

一般人條天線冇調較得冇咁暢通，通常係聽唔到咁細緻嘅回應，大概只會覺得係一片空白。

咁一片空白係咪證明自己係被抛棄嘅小朋友呢？

記得我都好似迷茫過兩分鐘，但好快就諗起幾樣嘢：

(1) 真係接收到「任務」嗰陣我係會感應得好撚清楚。(呢啲嘢應該人人都感受到嘅，你諗下連林鄭都話上帝叫佢做特首...)

(2) 好多通靈撚因為體質特別啲，會成日接到「任務」搞到要周圍走，全職做跑腿，冇咗私人時間。

因為本老師係看透撚，攞住上面兩點就已經推論出晒上面整個訊息。（所以呢，條天線都唔係咁緊要㗎啫 :0）

其實仲有 (3) 嘅。呢幾個月我時不時就感應到天地同我講：「你係自由嘅」。