tele...phone?

又一個巧合

今日同老婆一齊去佢舅父屋企拜年

去到金鐘站，我忽然問老婆：「咦，去到 ___ 站之後，你識唔識上去舅父屋企，定係等埋(外母)先一齊上去呀？」

老婆：「我都唔係好記得點行，應該係等埋一齊上去啩⋯ 但我淨係知家姐會去，唔知阿媽今日有冇返工喎！」

我：「喔。」

然後我電話響，來電顯示係外母。

我：「喂？」

(老婆家姐把聲)：「喂，你哋去到邊呀？我哋到咗 __ 站喇！ 係咪等埋你哋一齊上去呀？」

我將個電話交俾老婆，然後上面對話又重覆一次。

原來佢將電話放咗入背囊，聽唔到電話響，所以佢哋先打俾我。

我心諗：-_- 

所以呢，我已經唔係好相信巧合㗎喇。