中介

早幾日同朋友講起理論上天主教聖職唔會因為個人改變信仰而被收回或消失，甚至如果神職人員唔抱住信念咁舉辦儀式，只要信眾自己相信，咁神就仍然可以透過呢個失去信仰但有聖職嘅人得到聖靈。

呢樣嘢提醒咗我，中介其實可以冇神通嘅。甚至可以話，冇神通嘅中介先至係最好嘅中介。

例如，占卜師叫客人抽塔羅牌，然後占卜師照書解說，應該就係冇運用神通嘅做法。有時占卜師用自己嘅其他方法見到更多資訊，咁就係用自己神通去幫人算命。

而「冇神通嘅中介先至係最好嘅中介」呢一點，大概可以成為 AI 算命嘅理論基礎。

大部份嘅占卜系統都係相對「簡單」嘅，因為直至近年，人類都冇辦法做大型運算，所以算出嚟嘅結果，通常都係幾十種變化，然後仍然要靠占卜師同客人自己將呢啲結果套用返喺實際情況。有時占卜師喺呢個時候會唔覺意用咗自己嘅能量。

但有咗 large language model 其實占卜師呢個位置理論上可以完全被取代。只要問卜者信就 ok 。

至於啲系統點搞，真係唯有講句「冇傳承加持就唯有自己爭氣啲」。當然，啱啱叫 LLaMA2 幫我算個卦，佢聲稱用易經算出嚟，講咗一堆嘢，望落去貌似都唔算太差。但我生平冇去算過命，所以都唔知係咪真係咁樣。