無我

呢個世界係冇魔法嘅，所有神奇都來自「我」。準確啲講，唔係「世界定義嘅我」，而係比「我」更深層嘅，「世界源頭嘅我」。

所以，貌似係，作為假定嘅係：如果你在意其他人點睇自己，咁你就係主動將「外在世界」輸入咗自己度。記住「外在世界」係冇乜魔法嘅，越在意外在，人自身嘅力量就越薄弱。

例如進入咗所謂「flow state」嗰陣，「自我意識」減少，心無雜念，只專注諗做要做嗰樣嘢，效果會特別強大。

雜念唔係純粹對專注力嘅干擾，亦都會直接干擾結果。意識同潛意識都會嘗試構築呢啲雜念所代表嘅世界，會選擇呢啲雜念所代表嘅世界，然後，大概唔會出現你最想要嘅世界。如果你做嘢嗰陣諗住世界會點樣「睇」你，就好似俾幾十億人捉住你隻手，基本上你係會冇咗自主力，亦都會失去「我」獨有嘅神奇。

不過留意嘅係，世俗嘅「我」其實都係呢個世界嘅產物。「我」嘅思想、價值觀、欲望，大概都係呢個世界嘅產物。排除咗呢啲之後，先有機會實踐比較強大嘅魔法。

然後，點樣排除世界加諸於「我」嘅一切呢？我諗，唯有靠最純粹嘅「愛」。