Non-Dieting

早前老婆約咗十月尾補影婚紗相，九月同十月刻意減咗幾磅，大概由 Xkg 變成 (X-5)kg。主要都係食少啲飯(low-er-carb)同食少餐飯 (論量詞嘅重要性)。話說 Keto-Potato-Chips Diet 原來都減到幾磅，真係幾得意。

不過而家體重仍然係太高，繼續現時飲食習慣，似乎唔會再減到半磅 (有回升趨勢)。

所以趁住呢幾日冇咩約又唔使返工就開始嘗試重拾斷食嘅惡趣味。暫時發現，買餸同煮飯好難避免攝取能量，好難進入標準嘅 water fast 😞  尋日冇咩點食嘢，不過都食咗幾啖，今朝如所料淨係瞓咗六個鐘，幾精神。

下晝去咗買餸買食糧，返嚟忍唔住試咗幾啖，點知整個人進入咗 "食咗嘢" mode，頭暈腦脹。

不過都有啲幾有趣嘅實驗結果：食牛油(yes, eat)果然係唔會令身體有咩反應，反而食肉同麵豉湯就會有幾大反應。而家有少少眼瞓，真係唔知點搞。頂。

附上一包 Keto 雞皮圖片，早排喺 Donki 買嘅。