東京好熱 #2

第二日，接咗第四位團友之後，就出發去和光市。午餐食烏冬。新倉うどん，唔記得咗影相⋯ 總之好食啦。

然後就去咗和光市唔知乜聖地。

冇獎遊戲，究竟呢個公園係邊個動漫嘅聖地嚟？ (利申我唔知)

由於東京真係太熱嘅關係，我都冇深究係咩動畫咩聖地，我只係搵咗個相對陰涼嘅位抹汗⋯⋯

之後去咗川越市。去咗氷川神社。神社呢家嘢我冇乜特別興趣，反正唔係善信，佢又似乎寫住唔好影相，所以我又係搵咗個陰涼位置抹汗⋯⋯ 聽聞呢間神社係求愛情，所以其他團友比較踴躍都唔出奇。嗯。

川越有個鐘，個鐘つき通り好多有趣店舖。（冇影到個鐘，唔識影

醬油味雪糕

仲有個醬油味軟雪糕，醬油味更濃，一試難忘

日式建築嘅 Starbucks

我哋之後去咗福呂屋。佢好似主打賣菓子嘅，不過啲抹茶都好正。我叫咗個豆奶抹茶，好味。

晚飯係小川菊嘅鰻魚飯。

本身我唔算好鰻魚（對啲魚骨有恐懼），不過都真係好食。

另外，條街夜晚係幾靚嘅。

夜晚喺旅館，玩咗幾個紙牌遊戲， 不過由於本人對玩 game 興趣不大，氣氛唔算濃烈，最後我去咗努力睇書 :0)