上回講到去埃及，望望下啲古蹟就有呢種既視感：
咁所以梗係要喺「約束の日」睇埋個日全蝕啦。
目的地係德州柯士甸，揀呢度主要係因為順便參加一個活動 (由 https://www.youtube.com/c/TheDemystifySciPodcast 主辦)。有啲三唔識七嘅人陪一齊睇日蝕，好過自己一條友走過去 on99。
行程三日三夜，另加兩日飛行時間，唔係屎忽痕真係唔會飛咁遠走去睇。
話說美國「日蝕帶」呢幾日爆人，出發前見到張咁嘅圖：
到咗酒店，櫃枱話呢幾日本身係 book 爆咗嘅，點知早兩日天氣預告會密雲有雨，然後就好多人退訂 :0) Anyway 我到嗰陣 (~7:xx am) 天色大概係咁：
下晝陽光好咗。
由於美國冇啖好食 (除非你真係好鍾意食 fast food)，所以去咗超市買啲嘢拎返酒店填肚。見到啲奇怪嘢：
 |
| 唔知係咪俾大肚婆食。 |
行[*]去個 event 路上，見到呢啲奇怪嘢，唔知係咪用嚟證明美國有言論自由⋯
第二日 (日蝕當天)，天氣都唔差，係啲雲有少少密。留意到路邊啲草地開好多花。猜想芙莉蓮啲花田大概都不外如是(?)⋯
日蝕喇~ 有人帶咗支無敵大炮嚟，望入去係咁嘅：
我啲鏡頭冇咁勁，淨係睇到呢啲：
 |
| (土炮到⋯ |
都算影到吖。
全蝕嗰下係咁樣：
唔知點解，望住呢個畫面，忽然有種奇妙嘅感動。
同埋原來全蝕嗰下係黑唔晒嘅，大概係日落之後仲有餘暉未完全入黑嗰種感覺。同埋圈同唔圈，真係差好L遠，難怪全蝕一完咗就⋯
話說，全蝕嗰下雖然有薄雲，但算係睇得好清楚。某程度上有少少雲仲開心，見到啲動態。
之後就變咗厚雲，想睇埋佢下場 (還原) 都冇得睇：
第三日：成日匿埋咗喺酒店。本身諗住睇下 Austin 有咩做，點知除咗話有啲酒吧同啲 club 嘅樂隊唔錯之外就乜柒都冇。不過好彩冇出街，成日橫風橫雨兼落雹：
最後食完啲超市食物 (麵包、芝士、肉) 之後，叫咗個美國名物《左宗棠雞》：
然後瞓埋第三晚就飛返香港。得 48 分鐘轉機，好彩閘口算近，又唔使再過安檢。有驚無險。
由 LAX 坐到 HKG 都仲有啲有趣嘢。
第一就係坐窗口位睇晒加州全境咁滯。 架飛機由 LA 上空飛到差唔多 SF 上空，我坐右邊窗口位仲有機翼冇阻，沿路睇晒成個州。由海邊到 Sierra Mountains 都睇晒 (遠處的確係隱若見到雪山嘅雪)。
 |
| Highway 1 |
加州真係好撚靚
最後佢未到 (其實應該係睇唔清) 金門橋就轉向東。 SF 個位見到雲層從金門橋嘅位「踴」入去個灣 ("三藩市灣")。
留意返其他位(下圖)就見到，太平洋啲雲大致上係唔會吹入加州岸邊啲山脈，所以湧晒入金門橋個位。所以 SF 天氣同 Bay Area 其他地方好唔同，長年都清涼/濕凍。「夏天」七月去 SF 記住帶多件風縷，短袖嘅話唔好彩真係會凍僵 (千祈唔好齋信天氣預告，除非你喺 15C 毛毛雨大大風嘅情況下都可以從容著短袖...)。SF 流傳一句名言 (作者佚)："The coldest winter I ever spent was a summer in San Francisco."
圖解：留意啲雲嘅覆蓋範圍嘅邊界大致上就係海岸線。雲伯伯似乎唔係好鍾意爬山⋯
喺機上無聊冇嘢做又未眼瞓，睇咗套 Barbie。估唔到佢講女性主義講得咁輕鬆，搞到我差啲覺得佢重點係講輪迴轉世... (結局咪就係 Barbie 呢個精神概念轉生成人囉！[屌原來又係異世界...])
然後就發生咗我好巧合咁，好似冇因果關係咁，叫醒咗隔籬個男人，去廁所⋯ (見另 post)
