中環孖煙通生活雜誌

Sunday, October 22, 2023

"Desert Fathers"

我尋日諗咗好耐究竟出唔出post講：啲人話要跟從耶穌但佢哋做咗第一步(領洗)之後，連第二步都做唔撚到就話自己係基督徒有少少搞笑。最後冇出到，費事挑起無謂嘅紛爭啦。

第二步其實就係去沙漠做毒撚。話說我猜想呢招可以靠減少干擾去增強法力便於練習魔法。點解冇人做呢？

第二日我就好「隨機」咁得知有呢樣嘢： https://en.wikipedia.org/wiki/Desert_Fathers

source: https://www.youtube.com/watch?v=r4LoXCl7drQ - 呢條片喺我個 playlist 一段時間冇認真睇。

Youtube synchronicity 同 Facebook synchronicity 真係好撚強大⋯

PS : 之後發現臉書朋友個 comment 都有，係同一日睇到嘅，但我過兩日先留意到。

Manifestation

https://www.facebook.com/permalink.php?story_fbid=pfbid02Xhup7kZBZUYGvp8t9imQYTPBH7ggu3DFrRokML27jeSXBDV3YmP8j7nrG6kzxwuhl&id=61550893512996

呢啲互相印證嘅嘢真係要抄低：

#指導靈談顯化

文／怡伶

2023.6.5

指導靈一直對我相當有耐心，不管是我在接訊息時遇到了什麼樣需要中斷的情況，上廁所、被小孩呼喚、或是分心去做其他事，祂都從未催促或不耐。

—-

昨天在接訊息的時候，指導靈告訴我所謂的顯化是怎麼一回事。

以能量上來說，顯化是一瞬間的事情，比如說送光、比如意念的傳達。

然而在物質層面上，顯化就需要時間了。（妳想要什麼東西，需要時間去透過行動把它實踐出來。）

顯化就是「意念+行動」。然後需要耐心等待。

比如說指導靈可以透過意念將訊息傳送給我，我也可以馬上接收到，但是要將他說的話顯化成文字，就需要我的行動（把這些句子寫下來），這段時間祂能做的就是等待。

指導靈說，許多人沒有顯化出成果，不是因為它不能實現，而是因爲他失去耐心。

顯化，需要意念、行動，還要耐心，就像指導靈對我這樣，祂一直在等著我接到祂的訊息，接到訊息後也等著我將訊息寫下來。

「這點等待不算什麼，我們已經等人類覺醒等好幾千年了！」

只能說，神靈們對人類真是真愛，超級無比有耐心。

感謝，感謝，再感謝啊🙏

圖/網路

物質嘅沉重

聽聞「心想事成」係宇宙基本法則嚟，起碼「你真心相信啲乜，嗰樣嘢就高機率發生」呢樣嘢理論上係真嘅，係真係有如此嘅理論，古今中外亦都有呢個傳統。

咁但係點解唔係成日work，甚至成日都唔work？

本身我好直觀咁諗咗幾個原因出嚟：

multiplayer 世界唔可以出咁多 cheat
人類自己封印咗自己嘅能力
物質世界啲變化通常比理想中慢好多，一般期望變化係幾秒幾幾個星期內發生，但好多時啲反應係以年計 (呢個絕對係真)

所以一直都有啲想試下驗證 #1 而走去啲少啲人嘅地方睇下局部地區嘅 single player mode 存唔存在。

但睇完呢度 https://www.facebook.com/profile.php?id=61550893512996 講嘅嘢之後忽然醒起，人少嘅地方唔代表靈少⋯ 而有佢哋喺度都唔可以話係 single player mode。我 X，咁睇唔到某片土地嘅「靈口」有幾密集嘅話就試唔到呢樣嘢⋯ orz

然後我喺度諗，照計多樹多動物嘅地方嘅「靈口」就唔會少，可能都真係啲沙漠嘅地方先掂。

然後我又諗起耶穌大佬，一開始都係走咗去沙漠修行四十日⋯ 有時啲嘢講到咁白，問題係冇咩人夠膽自己一條友走去啲冇人嘅沙漠幾十日覺醒神力⋯

講真耶穌出道嗰幾步全部都係好make sense嘅，基本上你夠膽照做只要唔死唔癲都理論上會得到啲力量⋯

第一、領洗 - 係借助某啲傳統，攞咗「會籍」先。「會籍」係比喻嚟，我諗重點都係借助某啲傳承嘅力量去 kick start 啲嘢，否則好難開始。

第二、走去冇干擾嘅地方，快速養成同練習使用力量。 (見上 hypothesis #1)

第三、有力量之後，總會受到個人貪妄嘅誘惑，引你不當咁使用力量。呢下要小心唔好中伏 https://hnfong.github.io/public-crap/writings/2022/06-%E8%80%B6%E7%A9%8C%E3%80%81%E9%AD%94%E9%AC%BC%E3%80%81%E5%B9%BB%E8%A6%BA.html

第四、要發願出到嚟為救濟萬民於苦海，唔係用嚟達成私利。（出得嚟行，搞到咁高調，通常都要倒貼⋯ 用返我認知嘅系統去講，耶穌出嚟濟世幾年就死於非命，係啲神蹟去得太盡，唔單止係世俗個世界接受唔到，甚至連宇宙法則都可能打碎咗幾條，我估喺靈界層面都接受唔到（起死回生嗰啲，雖然話人命未必係直接兌換咁換，但冇咩理由唔使付代價⋯） anyway 使盡自己嘅生命力去救人，大概結局都只能夠係咁。

anyway, 講返原本話題⋯ ehh 就係如果要試 single player mode 可能真係要去啲冇咩生命嘅地方。 That said *聽聞* 冇地球生命嘅地方可能有其他生命，所以... 雖然我不斷重申我唔想睇到啲非物質東東，但有時真係覺得睇到會比較方便自己做實驗多啲⋯ :-/

Saturday, October 21, 2023

美元通漲紀

好耐好耐以前，喺大海嘅另一端，有一個國家。某年某月某日，佢哋嘅央行印咗一堆銀紙。

啲銀紙印咗出嚟之後就借咗俾政府救濟萬民於水深火熱之中：

一般教科書就會話，印咁多銀紙會造成通貨澎漲。但 CPI 冇咩即時嘅變化：

雖然 2021~2022 年通漲係有啲勁，但相對於印咗嘅銀紙，升幅唔算好誇張。

所以呢個故事教訓我哋，印銀紙係唔會導致通漲嘅。印銀紙係唔會導致通漲嘅。印銀紙係唔會導致通漲嘅。印銀紙係唔會導致通漲嘅。（至少唔會引致用 CPI 計算嘅通漲）

CPI 用民眾生活相關嘅物價計算出嚟，而嗰啲嘢唔係靠市面上有幾多銀紙去定價，而係最小學雞嘅供求定律。

人多咗錢，尤其係疫情流行嗰排，唔會買幾袋米喺屋企擺，更加唔會租多兩間屋，或者每日揸多幾十里路車。

所以通漲直接影響嘅，係啲人忽然多咗錢買啲 on9 嘢：

甚至啲 CPI 開始升嗰陣，我哋嘅主角 J Powell 仲喺度話通漲係「過渡性」嘅，唔使驚，唔使加息。當時我仲喺度恥笑佢，但而家諗返其實佢有佢嘅道理，因為始於 CPI 唔係市面上有幾多錢嘅問題，而係供求問題。而當時供應鏈的確出咗啲事。

咁當然普京攻烏克蘭都有啲影響：

如果你真係相信 CPI 純粹供求問題，而通漲主要係因為運輸、燃油價格上漲，咁央行又真係冇需要考慮加息嘅。

咁但係印銀紙真係唔會引起通漲咩？其實喺 CPI 以外，啲物價係升到含含聲：

咁「價格」呢樣嘢係相對嘅。呢啲嘢嘅價升，係因為佢哋升值，定係因為貨幣本身貶咗值呢？喺呢個情況，我傾向覺得後者比較講得通。

細個嗰陣成日問點解銀行唔印多啲銀紙出嚟，咁大家咪可以有錢食飯囉。

Turns out 只要食物供應足夠，印銀紙周街派救濟飢民係真係可行嘅。甚至係只要啲嘢有 inelastic demand 就得。

但相反啲唔等使嘅嘢就升值升得好快。越唔等使嘅嘢升得越快。所以股票同金升少少勉強跑贏通漲，BTC 升咗幾倍，而 GME 呢類 meme stocks 就升到變數字遊戲。同期嗰啲 NFT 同各種神奇怪幣層出不窮，都係啲唔等使嘅嘢變得好值錢嘅現象。

眾多跡象都顯示，印出嚟多咗嘅錢，基本上去晒呢啲唔等使嘅嘢度。

FTX 爆嗰陣我慨嘆：好在有 crypto 咋，如果唔係啲人喺傳統金融體制內玩嘢嘅話，對經濟傷害更大呀。經過大半年不斷反覆思考印錢同通漲嘅關係之後，而家諗返感受更深刻。某程度上可以話，係 crypto 呢個 money sink 救咗 J Powell 一命。印多咗嘅錢自動走晒去 crypto （睇返啲 crypto market cap 條數係幾 match 嘅），然後邊個炒 crypto 輸錢嘅就抵死啦，關人忍事。

J Powell 印錢，雖則話通漲已經控制喺 4% 以下，所以其實啲 5% 美債係所謂嘅零風險收 1% 實質利率，但你渣住嘅美元美債係咪每年真係只貶值 4% 呢，就好值得商確。如果你嘅錢只係為咗一日兩餐同埋租個狗竇，咁美元只係貶值 4%。不過如果你啲錢係想用嚟過啲比較中產嘅生活，買車買樓過小資生活，咁你嘅美金貶值幅度就肯定唔只 4%。

某程度上，你用唔同嘅價值參考指標，可以得出唔同嘅論述。

例如你用 nominal 美元去講述經濟狀況，就會見到所有嘢越嚟越貴，但自己嘅人工同資產又不斷上升。總之有多餘嘅錢就做定期啦！有 5% 好好㗎喇！

如果用 CPI-adjusted 美元去講，就會見到(nominal)美元慢慢貶值，而樓價股價不斷上升，證明經濟環境大好。不過唔知點解人工總係追唔上樓價股價嘅升幅。

如果你係用薪金去講，就係 CPI 計算嘅嘢越嚟越平，即係只要你肯做嘢嘅話，有手有腳唔會餓得死。不過想過中產生活，買樓買名牌，咁就唔知幾時先有咁嘅機會喇。

如果你係用資本嘅角度去講，就係其實市面上嘅嘢甚少有真正增長，所有貌似增長緊嘅嘢，其實係靠 QE 去維持。點解 CPI 咁低？因為科技發達，農業技術進步，糧食充足，同埋有(美國)政府補貼，所以糧食價格越嚟越低。其他生活必需品都係同樣道理。至於租點解低？因為 QE 造就低息環境，所以租金都被壓低。所有嘢越嚟越平，呢個的確係現代社會成功解決貧窮嘅一大進步。但同時，喺資本角度，一般工人嘅薪金亦都一直下跌，只係冇 CPI 跌得咁快。否則點解以前一個藍領工人做幾年嘢就買到樓，而家佢做幾十年都冇可能置業？

至於「事實」係點就真係哲學問題嚟。錢只係數字遊戲，自由市場定價亦冇話邊個先啱。

講到尾我自己都走唔出一個好抽象嘅哲學問題：究竟錢有咩用？究竟一個經濟體系應該用嚟做啲乜？其實答案未必係「大家安居樂業有飯食有瓦遮頭」⋯ 第一生存本身係經濟體系存在嘅先決條件，唔係一個目的嚟。講目的就要喺基本生存以外再搵啲嘢出嚟做，例如古代某啲文明就將人類嘅剩餘價值可能係攞咗去起金字塔。美國就好有趣嘅，除咗發明一堆嘢減低經濟效率之外，就係用嚟維護民主價值（i.e. 整軍備，倒落海) 中國人就更加有趣，全部去晒買樓。躺平係講緊只要你冇打算喺城市買樓，基本上真係唔需要咁努力。呢個真係 first world 到唔再 first world 嘅 problem 嚟，不過又係真嘅問題嚟。多餘嘅 GDP 如果唔係用嚟搞社會福利主義，咁應該攞嚟做乜呢？如果冇任何嘢去消秏資源，去到最後，都總會有一堆資產係升值升到天價。所以呢，可能我哋都真係應該去起下金字塔⋯