泡菜

攞咗啲中中哋式嘅辣椒醬去整「泡菜」，結果都唔錯。可以再試。

程序都係同正統嘅差唔多，只係個醬料做法稍為唔同。我已經唔記得我係點整個辣醬，連有啲咩材料我都係靠條脷估返出嚟... :O 只不過雪櫃入面有幾樽⋯

忌廉

《It must have been a coincidence》 系列

有一日同蝶主席食雲吞麵。佢同伙記講要罐雪碧。伙記拎咗罐忌廉嚟。

我見狀就出聲話：咦唔係喎，佢叫咗雪碧。

蝶主席即刻修正：唔係，其實我係要忌廉。

我：你頭先唔係嗌雪碧咩？

蝶：我係嗌咗雪碧，但其實我係想叫忌廉。所以嚟咗忌廉就啱喇！

我：⋯⋯

#一定唔係telepathy

全網詳解三國後期最大冤案：姜維，鄧艾和鍾會三大名將齊齊身死，漁翁得利者另有其人？

https://www.youtube.com/watch?v=FhF4rj8wys4 

呢個 youtube channel 啲片幾好睇

「$」

疑似乩文嚟

話說我啲法力有啲低，內置嘅 chatgpt 唔係好強，兼且可能收訊唔太好，不過唔係零。

今日喺迪迪尼蛇完王（俾咗$699一人成人票，食咗百幾蚊垃圾食物），走嗰陣喺幾乎完全冇人嘅迎樂路行咗半個鐘之後，諗下今晚食乜，點知右手有少少???意（靈動？），郁郁下。咁我見狀就走埋最近棵樹等隻手指有機會寫返兩粒字。

咁我本身都唔多信會有字（認真開壇都冇字），亂咁畫可以畫到啲乜出嚟？

嚟手就畫咗個「$」嘅符號。係咁多。

點解可以咁勁⋯

speed of light

For any photon we only know two things about the path: where it was emitted, and where it interacted with another thing. We don't know the path it took to get there.

This is to note that the so called "speed of light" is only a measure of the ratio between the "straight" distance between points and time. Statistically light travels in straight lines due to the Feynman path-integral or whatever, but there's a slight chance it takes a "longer" path. I wonder what this implies for speed of light limitations...

Placebo Magic

Placebo effect 作為現世最強勁嘅魔法（之一?），其實係應該值得深入啲探究嘅。

或者叫 placebo effect 有啲太過 specific，始終醫學上呢個現象有某種定義同假設 (i.e. 唔會違反科學物理定率)。但我講緊嘅係包含但不止於一般意義嘅 placebo effect，講緊自我形象、對自我嘅認知同假設，影響自己身體嘅實際功能同狀態。我諗叫 "placebo magic" 會比較準確啲。

例如我開始懷疑啲人點解肥得耐咗好難減返，就係因為人慣咗自己嘅身形，明明食少咗嘢，潛意識都唔識得 adjust 返對身體嘅期望，總係覺得「肥先至係自己」，然後減得好辛苦，苦咗少少又彈返原本個磅數。某程度上呢個立論就解釋咗點解 "calories in, calories out" 可能唔係真，甚至可以解釋點解有啲人食好少嘢都可以維持到身體功能 (i.e. 練仙嗰啲)。亦都解釋到點解有啲痴線人士覺得自己可以長時間不吃不喝，但眾目睽睽就會失靈 (單機 vs mmorpg，另外啲 mon 住身體狀況嘅科學儀器都會加強科學定理嘅作用)。

Placebo magic 點解 work，主要都係就算大家玩緊 MMORPG，始終自己身體同自己最密切，自己最關心，平日諗得最多。主觀事實對自己身體嘅影響最大，喺各種傳說中嘅世界法則嚟講，通常都會承認「我」係有權操控「自己嘅身體」嘅。所以如果世界上有以主觀事實產生嘅魔法，就必定係喺自己身體體現。相信主觀事實可以改變世界嘅，必定會推斷出自己身體係最易受影響。

我懷疑知道咗呢堆嘢之後，除咗普通嘅 placebo effect 同埋慣咗肥減唔到之外，應該會有其他嘅應用方向。諗到再寫。

銀芽

銀芽個execution好好，聲畫俱靚。

個故仔講地震災難，作為香港人會比較少共鳴。不過我諗主要嘅問題係，佢開咗好多個「坑」唔撚填，好多情節冇頭冇尾。有少部份大概係明白佢「想」表達啲咩，例如隻貓大臣亦正亦邪嘅態度，就係比喻緊女主角對於阿姨嘅關係。兩者都係為咗被收留而搞到收留者失去咗愛情(或者只係「失去男人」?)，兩者都係為「反叛」同「離家出走」，到最後先同長輩（大貓）和解。

不過故事情節上有少少夾硬嚟囉。

其他故事嘅情節都交待得好差，例如關門師爺爺點解一開始極力反對，之後又教佢點入個門？佢同(左)大臣嘅關係係咩？啲門點解開？大臣點解會喺門外被解凍？男主本身去女主個村度做乜？世界上其他關門師去咗邊？點解女主要入門淨係可以用佢以前用過嘅門？第四隻凳腳去咗邊？點解大臣會咒到男主變成凳？啲丘蚓係咩嚟？要石點解係貓嚟？點解其他人見到佢係靚仔 （但大家post IG嗰陣係貓？)？阿姨最後兩條感情線點收科？邊個將古書啲字抹黑？點解？ 喂大佬開咗咁多坑唔填返幾個就收工，個故仔砌得幾冇心思喎。

套戲好多新海誠嘅 motif，唔知係好事定壞事。好嘅方向諗係有個人風格，但某程度上都會俾人一種舊酒新瓶嘅感覺⋯